Finfinnee, Adoolessa 12, 2016 (FBC)- Naannoo Harariitti namoonni seeraan ala boba’aa dhoksuun gurguraa turan 22 to’atamuu Koomishiniin Poolisii naannicha beeksise.
Komishinarri Ittaanaa Damee Qorannoo Yakkaa Komishinichaa Ramadaan Jibiriil akka ibsanitti, qorannoo aanaalee naannichaa hundatti taasifameen boba’aa liitirri kuma 1 fi 518 bakka dhokfamanii to’atamuu ragaan komishinicharraa argame ni mul’isa.
Daldala seeraan alaa boba’aa kana keessaatti buufataaleen bo’aa hirmaachuu eeranii fuulduratti qorannoon barbaachisaan taasifamuun tarkaanfiin seeraa akka fudhatamu mirkaneessaniiru.
Hojiin to’annoo fi hordoffiis cimee akka itti fufu akeekaniiru.
#Oromia #Ethiopia