Finfinnee, Fulbaana 23, 2015 (FBC)- Namoonni 8 gareen gurmaa’uun shiboo elektirikaa Birrii kuma dhibba 7fi kuma 28tti shallagamu hatuun shakkaman to’atamuu Poolisiin Magaalaa Finfinnee beeksise.
Shakkamtoonni kunneen shiboo elektirikaa maraa 616 qabeenyummaan isaa kan Korporeeshinii Misooma Manneenii magaalichaa ta’e gareen gurmaa’uun konkolaataatti fe’uun miliquuf osoo jedhanii to’atamuu eerameera.
Shakkamtoonni kunneen yakkicha kan raawwatan Kutaa magaalaa Kolfee Qaraaniyoo aanaa 3 Koondeminiyeemii Saayitii Ajaambaa jedhamu keessatti ta’uu ibsameera.
Qabeenya hatame dabalatee shakamtoonni 8fi konkolaataan itti shibicha fe’anii turan to’atamuun qorannoon irratti gaggeeffamaa jiraachuu ragaan poolisii magaalichaarraa argame ni mul’isa.
Odeeffannoowwan waqtaawaa dabalataan argachuuf;
Teelegraama https://t.me/afanoromofana
Yuutyuubii Afaan Oromo: https://bit.ly/3FjfCXR
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Feesbook:https://www.facebook.com/afaanoromoofana/
Yeroo maraa nu waliin waan taataniif isin galateeffanna.