Finfinnee, Sadaasa 15, 2013 (FBC)- Naannoo Tigraayitti yakkamtoota badii raawwataniiru jedhaman qulqulleessuuf gareen qoratuu hojii eegaluu Abbaan Alangaa Waliigala Federaalaa beeksise.
Garee gantuu ABUT Onkololeessa 24, 2013 raayyaa ittisa biyyaa Izzi kaabaarratti haleellaan raawwatee ilaalchisee mootummaan olaantummaa seeraa kabachiisaa jira.
Abbaan Alangaa Waliigalaa Federaalaa Dooktar Geediyoon Ximootiyoos naannoo Tigraayitti olaantummaa seeraa kabachiisuuf tarkaanfii fudhatamaa jiruun walqabsiisee gaazixeessitoota biyyaa alaaf ibsa laataniruu.
Ibsichaan naannoo Tigraayitti yakkamtoota badii raawwataniiru jedhaman qulqulleessuuf gareen qoratuu hojii eegaluusa ibsaniiru.
Hooggantoonni ABUT yakka cimaa raawwachaa jiraachuu isaaniis himaniiru.