Finfinnee, Mudde 25, 2015(FBC)- Naannoo Tigraayitti hospitaalota 8 dabalatee buufataaleen fayyaa 26 tajaajila bu’uuraa kennuu eegaluu ibsame.
Dhaabbilen fayyaa tajaajila eegalan kunneen guyyoottan muraasa darbanitti lammiilee kuma 83 oliif tajaajila fayyaa kennuu Ministir Deetaan Ministeera Fayyaa Dooktar Ayyalaa Tashoomaa Faanaa Broodkaastiing Korporeetitti himaniiru.
Galteen yaala fayyaa mootummaafi dhaabbileen deeggartootaa baasii Birrii miiliyoona 200 ol itti baasan meetirik tooniin 225 dhaabbilee fayyaa naannichaan qaqqabsiifamuus kaasaniiru.
Hanqina ambulaansii jiru furuuf qaamolee deeggartootaan ambulaansonni gara naannichaatti kan ergaman ta’uu eeraniiru.
Giddugalawwan Baankii Dhiigaafi oomisha oksijiinii naannichatti argaman gara hojiitti galchuuf hojjetamaa jiraachuu ibsaniiru.
Zufaan Kaasaahuuntu gabaase.
Odeeffannoowwan waqtaawaa dabalataa argachuuf;
Teelegraama https://t.me/afanoromofana
Yuutyuubii Afaan Oromo: https://bit.ly/3FjfCXR
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Feesbook:https://www.facebook.com/afaanoromoofana/
Yeroo maraa nu waliin waan taataniif isin galateeffanna.