Finfinnee, Caamsaa 7, 2016 (FBC) – Barana naannoo Oromiyaatti biqiltuu ashaaraa magariisaa biiliyoona 5.5 qopheessuuf karoorfamee hanga ammaatti biqiltuun biiliyoonni 5.3 ol qophaa’uu Hogganaan Itti aanaan Biiroo Qonnaa Oromiyaa Obbo Eeliyaas Kadiir himaniiru.
Oromiyaatti sagantaa ashaaraa magariisaa Bara 2016/17’f lafti heektaarri miliyoonni 3.3 qophaa’uus himaniiru.
Sagantaa ashaaraa magariisaa bara qophiin gahaan taasifamaa jiraachuus kaasaniiru.
Naannichatti sagantaa ashaaraa magariisaa waggoota shanan darban hojjetamaniin lafa qabeenyi uumamaa irraa manca’e deebisuun danda’ameera jedhan.
Hanga ammaatti biqiltoonni faayidaa diinagdeef oolan qaban biiliyoonni 18.3 dhaabbachuus eeraniiru.
Biqiltuun dhaabbates qixa sirriin akka qabatuuf hojiin kunuunsaa isaa xiyyeeffannoon kan hojjetamu ta’uu himuu OBN gabaaseera.
Odeeffannoowwan waqtaawaa dabalataa argachuuf;
Teelegraama https://t.me/afanoromofana
Yuutyuubii Afaan Oromo: https://bit.ly/3FjfCXR
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Yeroo maraa nu waliin waan taataniif isin galateeffanna.