Finfinnee, Adooleessa 20, 2013 (FBC) – Naannoo Kibbaatti kutaaleen hawaasaa garaagaraa akaakuu fi maallaqaan Birrii miiliyoona 37 ol Raayyaa Ittisaaf deeggarsa taasiisaniiru.
Naannichaatti kutaalee hawaasaa hundaa hirmaachisuun Raayyaa Ittisaaf deeggarsa Birrii miiliyoona dhibba 2 fi miiliyoona 50tti tilmaamamu taasiisuuf karoorfamee hojjetamaa jiraachuu Itti gaafatamaan Waajjira Preezdaantii naannoo Kibbaa obbo Sammaahanyi Shifaa ibsaniiru.
Guyyaa har’aa oomisha bu’aalee warshaa garaagaraa dabalatee sangoota 400 fi Re’oota 155 Raayyaa Ittisaaf arjoomamuu himaniiru.
Qajeelcha Olaanaa Loojastiiksii Raayyaa Ittisaatti Daayreektarri Daayreektoorii bulchiinsa Faayinaansii Birgaadeer Jeneraal Asiras Ayyaalew iddichatti argamuun deeggarsa kana fuudhaniiru.
Deeggarsi Raayyaa Ittisaaf taasiifamu cimee itti fufu kaasaniiru.
Tizzitaa Dassaalenyitu gabaase.
Fuula Feesbuukii keenyan dabalata odeeffannoo waqtaawaa argachuuf;
Teelegraama https://t.me/afanoromofana
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Yeroo maraa nu waliin waan taataniif isin galateeffanna.