Finfinnee, Adooleessa 2, 2013 (FBC) –Naannoo Kibbaatti misooma bunaa babal’isuuf Biqiltuu Bunaa miiliyoona dhibba 1 dhaabuuf qophiin taasiifamuu Biiroon Qonnaa fi Qabeenya Uumamaa naannichaa beeksiise.
Ganna kana Buna Kilaasteraan dhaabuuf hojiin Buna dhaabuu Godina Geediyoo aanaa naannawaa Diillaatti eegalameera.
Naannichatti qulqulinna bunaa dabaluuf hojjetamaa jiraachuu Hogganaan Biiroo Qonnaa fi Qabeenya Uumamaa naannichaa obbo Aantanahi Fiqaaduu dubbataniiru.
Wayita Arfaasaa biqiltuuwwan Bunaa miiliyoonni dhiibbi1 fi miilyoonni 90 dhaabbachuu himaniiru.
Ganna kanas miiliyoona dhibba 1 dhaabuuf qophiin taasiifamuu eeraniiru.
Naannichatti oomishtummaa Bunaa dabaluuf tattaaffiin taasiifamaa jiraachuu Itti aanaan Preezdaantii naannoo Kibbaa obbo Iristuu Yirdaaw ibsaniiru.
Naannoo Kibbaatti lafti hekkaarri kumni dhibbi 4 fi kumni 57 bunaan uwwifamee jiraachuu ibsameera.
Fuula Feesbuukii keenyan dabalata odeeffannoo waqtaawaa argachuuf;
Teelegraama https://t.me/afanoromofana
Yuutyuubii https://www.youtube.com/c/fanabroadcastingcorporate/
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Yeroo maraa nu waliin waan taataniif isin galateeffanna.