Finfinnee,Mudde 9, 2017 (FMC) – Naannoo Amaaraa Magaalaa Dasee fi Kombolchaatti hiriirri tarkaanfii olaantummaan seeraa fudhatamaa jiru cimee akka itti fufu gaafatu gaggeeffamaa jira.
Jiraattoonni magaalota kanneenii duulli olaantummaa seeraa mirkaneessuu fudhatamaa jiru daraan cimuu akka qabu gaafataniiru.
Hiriirtoonni kunneen dhaadannoowwan ‘naannoon keenya waraana osoo hin taane misoomaa fi nageenya barbaada, mootummaan nageenya kabachiisuun nageenya lammiilee tiksuu qaba, Raayyaan Ittisaa, Poolisiin Federaalaa fi qaamoleen nageenyaa naannichaa wareegamni kaffalaniif kabaja ni kennina’ jedhu dhageessisaa jiru.
Kadir Mahaammadi, Allebbaachaw Abaatee fi Sintaayyoo Arraageetu gabaase.