Finfinnee, Hagayya 24, 2016 (FBC) –Naannoo Beenishaangul Gumuzitti Sosochiin Taaksii galii gibiraa fi sagantaan beekamtii kennuu kaffaltoota gibiraa kan bara baajata 2017 gaggeeffamaa jira.
Sosochichi mata duree “ gibirri Kabaja Biyyaaf “ jedhuun gaggeeffamaa jiraachuun ibsameera.
Saganticharratti Pireezidaantii naannichaa Obbo Ashaadilii Hasan ,Afyaa’ii naannichaa Askaalaa Alboronoo, qondaaltoonni olaanoo naannichaa fi kaffaltoonni gibiraa argamaniiru.
Waltajjichaan sosochii, taaksii bara 2017rratti mari’achuun, bara baajataa 2016tti qaamoolee gibiraa kaffaluun dirqama isaa bahataniif beekamtiin kan kennamu ta’uu ragaan Biiroo Kominikeeshinii naannichaarraa argame ni mul’isa.