Finfinnee, Fulbaana 23, 2015 (FBC)- Naannawaan daldala bilisaa Istaanbuul naannawaa daldalaa bilisaa Dirree Dawaa waliin hojjechuufi walitti hidhamiinsa uumuuf fedhii qabaachuu ibse.
Jilli dhaabbilee mootummaa garaagaraarraa walitti bobba’e Turkitti naannawaa daldalaa bilisaa Istaanbul daawwateera.
Jilli Ittaanaa Hojii Raawwachiisaa Olaanaa Addisuu Maammoon durfamu Daayrektara Olaanaafi Ittaanaa Hoogganaa naannawaa daldala bilisaa Istaanbuul akkasumas Koonsulara Ministeera Daldalaa Turki waliin dhimmoota waliin hojjechuu danda’anirratti mari’ataniiru.
Obbo Addisuu Maammoon filannoowwan invastimantiifi carraawwan daldalaafi loojistikii bal’aa naannawaa daldala bilisaa Dirree Dawaa irratti ibsa taasisuu ibsameera.
Yeroo ittaanutti dhimmoota waliin hojjechuu danda’anirratti waliigalteerra gahuu ragaan Korporeeshinii Misooma Paarkiiwwaniirraa argame ni mul’isa.
Odeeffannoowwan waqtaawaa dabalataan argachuuf;
Teelegraama https://t.me/afanoromofana
Yuutyuubii Afaan Oromo: https://bit.ly/3FjfCXR
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Feesbook:https://www.facebook.com/afaanoromoofana/
Yeroo maraa nu waliin waan taataniif isin galateeffanna.