Finfinnee, Bitootessa 9, 2012 (FBC) – Mootummaan FDRI fi mootummaan Kwaataar waliigaltee tumsa Doolaara miiliyoona 18 walii mallatteessan.
Waliigalticha kan mallatteesse Ministeera Maallaqaa FDRI fi Fandii Misooma Kwaataari.
Tumsi maallaqaa kun Wiirtuu Kalee Finfinneetti ijaarramuuf kan ooludha.
Waliigaltee Doolaara Ameerikaa miiliyoona 18 yookin Birrii miiliyoona dhibba 5 fi miiliyoona 70 kanas gama Ityoophiyaatin ministir deettaan Ministeera Maallaqaa FDRI obbo Admaasuu Nabbabaa, gama Fandii Misooma Kwaataarin ammoo daayreektarri waliigalaa Kaliif Biin Jaasiim Al Kuwaariin mallatteessaniiru.
Wiirtichi abbaa darbii 6 yammuu ta’u, siree yaalaa 77 fi siree yaala dhibee cimaa 8, kutaalee ooppireetiingii 4, kutaalee gorsa yaalamtootaa 10, buufataalee hoomoodiyaaleesiisii 6, siree/teessoowwan diyaaleesiisii 106 qabaata.
Gamoon ijaarramu bal’ina skuweer meetira 6337 qabaata jedhameera.