Finfinnee, Adoolessa 6,2012(FBC)- Ministeerri Albuudaa fi Inarjii albuuda galtee indaastiriif ta’u humna biyya keessatin danda’uuf hojjechaa jiraachuu beeksise.
Ministeerichi Ministeera Daldalaa fi Indaastirii waliin hojjechuuf waliigaltee mallatteessera.
Karoora qorannaa tarsiimoo indaastirii qophaa’errattis mari’ataniiru.
Akkaataa qorannichaatin Ityoophiyaan waggaatti galteewwan sibiilotaatif Doolaara miiliyoona dhibba 8 fi miiliyoona 50, galtee keemikaalaa fi koonistiraakshiniif ammoo Doolaara miiliyoona dhibba 9 fi miiliyoona 50 baasti.
Galtee indaastirii alaa dhufu oomisha biyya keessatiin bakka buusuun, gara biyyoota alaattis erguudhan sharafa alaa argachuuf hojjetamuu qaba jedhame.
Ministeerichi baroota itti aananitti oomishaalee maarbil, giraanaayitii fi birciqqoo guutummaadhan oomisha biyya keessatiin bakka buusuuf hojjetamaa jiraachuu beeksiseera.