Finfinnee, Waxabajjii 4, 2012 (FBC) –Ministeerri Galiiwwanii baatii Caamsaatti galii Birrii biiliyoona 18.35 ol walitti qabe.
Ministeerichi baatii Caamsaatti Birrii biiliyoona 23.6 walitti qabuuf karoorseen Birrii biiliyoona 18.35 walitti qabuun karoorasaa %77.8 milkeessuu ibseera.
Raawwiin karoorichaas taaksii biyya keessaarra Birriin biiliyoona 10.4 walitti kan qabee yoo ta’u, taaksii fi qaraxaa biyya alarraa ammoo Birrii biiliyoona 7.9 walitti qabameera.
Raawwichi kan bara darbee yeroo walfakkaatan wal bira qabamee yoo ilaallamu Birrii biiliyoona 3.08 ykn %20.15 guddiina argisiseera.
Baajata bara 2012 raawwii karoora baatiiwwan 11 yoo ilallaammu baatiiwwan 11 keessaatti Birriin biiliyoona 242.94 walitti qabuuf karoorseen Birriin Biiliyoona 217.24 walitti qabuun %89.42 milkaa’un danda’ameera.
Raawwichiis bara baajata darbeetti baatiwwan 11 yeroo walfakkaataa wal bira qabamee yoo ilaallamu Birrii biiliyoona 38.79 ykn %21.74n guddiina argisiisu ragaan Ministeera Galiiwwaniirraa arganne ni muul’dhisa.
Odeeffannoo waqtaawaa argachuuf Teelegraama keenya https://t.me/afanoromofana subiskiraayib godhaa.