Finfinnee,Mudde 9, 2017 (FMC) – Sadaasa 27 hanga Mudde 3, 2017ti Meeshaaleen Kontiroobaandii Birrii miiliyoona 300 fi miiliyoona 30 olitti tilmaamamu to’atamuu Komishiniin Gumrukaa beeksiise.
Hordoffii taasiifamaa tureen meeshaaleen karaa seeraan alaa gara biyya keessaa galuuf turan Birrii miiliyoona 300 fi miiliyoon 8.8 baasanii fi kan gara alaatti bahuuf turan Birrii miiliyoona 23.1tti tilmaamamu dameewwan Gumrukaa adda addaatti to’atamuu himeera.
Meeshaalee Elektirooniksii, Uffataaleen, Warqeen, Bunni, midhaan dheedhii, meeshaaleen jijjiirraa qaama konkolaattootaa, faayaa, Jimaa, baalli sammuu hadoochu, qorichaaleen, meeshaaleen nyaataa, Konkolaattonnii fi maallaqoonni biyyoota garaagaraa kanneen to’ataman keessaa isaan hangafa ta’uu ragaan komishinicharraa argame ni mul’isa.
Meeshaaleen kunneen Waajjira damee Gumrukaa Hawaasaa, Mooyaalee fi Dirre Dhawaatti kan to’ataman ta’uu ibsameera.