Finfinnee, Mudde 4, 2017 (FMC)-Manni Maree Dhimmoota Islaamummaa Itiyoophiyaa qorichaalee fi galteewwan wal’aansaf oolan Birrii miiliyoona 800 olitti tilmaamamu Hospitaaloota shaniif dabarseera.
Pireezidaantiin Mana Maree Dhimmoota Islaamummaa Itiyoophiyaa Sheek Hajii Ibraahim Tufaan galteewwan wal’aansaa fi qorichaalee kanneen hospitaalootaf dabarsanii kennaniiru.
Qorichaalee fi galteewwan kunneen dhaabbata deeggarsaa Muslimaa Ameerikaarra qindeessummaa Ustaaz Abubakaar Ahimaadiin kan argame ta’uun ibsameera.
Deeggarsi taasifamees Hospitaaloota Dil Coorraa, Asoosaa, Jigjigaa Hoospitaalaa Sadarkaa Jalqabaa Muhuur Akliiliifi Hospitaalaa Sadarkaa Jalqabaa Silxeef ta’uun eerameera.
Fatiyaa Abdallaatu gabaase.