Finfinnee, Bitootessa 5, 2016 (FBC) – Manni Maree Bakka Bu’oota Ummataa Walga’ii idilee 17ffaa har’a gaggeesseen mirga himatamuu dhabuu Kiristiyaan Taaddalee kaaseera.
Obbo Kiristiyaan Taaddaleen naannoo Amaaraatti garee humnaan sirna mootummaa diiguuf socho’aa jiruuf qajeelfama kennaa jiru jedhamuun to’annoo seeraa jala oolanii turan.
Yaadni mirga himatamuu dhabuu kaasuu dhiyaate erga dhaggeeffatamee booda Manni Maree Bakka Bu’oota Ummataa sagalee mormii 2 fi kan sagalee hin laanne 2n mirga himatamuu dhabuu Obbo Kiristiyaan Taaddalee sagalee caalmaan raggaasiseera.
Manni marichaa walga’ii idilee kanaan wixineewwan labsii 9 ni raggaasisaan eegama.
Akkasumas wixineewwan labsii 2 ammoo qorachuun Koree dhaabbii dhimmichi ilaallatuuf ni dabarsaan kan eegamu ta’uu eerameera.
Barnaabaas Tasfaayeetu gabaase.
#Oromia #Ethiopia