Finfinnee, Adoolessa 11, 2012 (FBC) – Manni Maree Ministirootaa walga’ii isaa idilee 87ffaa gaggeesseen Ajandaawwan garagaraarratti mari’achuun murtee dabarseera.
Manni marichaa dursa ministeera maallaqaatiin kan dhiyaate waliigalteewwan liqaa garagaraa wixineewwan labsii raggaasisuurratti mari’ateera.
Waliigateen liqaa kan lammaffaa taasisan Baankii Eksipoortii –importii Kooriyaa waliin yoo ta’u, vaayrasii koroonaaf deebii yeroo muddamaaf sagantaa deeggarsa baajata rawwachiisuu fi dhiyeessi meeshaalee tajaajila fayyaa raawwachiisuuf kan ooludha.
Waliigateen liqaa sadaffaa Baankii E.S Daansikee waliin kan ta’e yoo ta’u, proojaktii madda anniisaa qilleensaa Asallaa rawwachiisuuf kan ooludha.
Itti aansuun manni marichaa dhimmoota tarsiimoo wixinee danbii instiitiyuutii hundeessurratti mari’ateera.
Manni marichaas wixinee danbichaarratti erga mari’atee booddee wantoota sirreeffamuu qaban fudhachuun hojiirra akka hin oolle murteesseera.
Akkasumas manni marichaa wixinee danbii invastimaantii irrattis mari’ateera.
Odeeffannoo waqtaawaa argachuuf Teelegraama keenya https://t.me/afanoromofana subiskiraayib godhaa.