Finfinnee, Caamsaa 25, 2013 (FBC) – Manni Barumsa Ifa Boruu Awaash Malkaa eebbifamuun tajaajilaaf banaa ta’e.
Manneen barnootaa Ifa Boruu akka naannoo Oromiyaatti ijaarraman 100 keessaa tokko kan ta’e Manni Barumsa sadarkaa 2ffaa Ifa Boruu Awaash Malkaa bakka Preezdaantiin bulchiinsa mootummaa naannoo Oromiyaa obbo Shimallis Abdiisaa argamanitti eebbifamuun tajaajilaaf banaa ta’eera.
Manni barumsa Ifa Boruu Awaash Malkaa bilookii shanii,daree barnootaa 18 kan qabu yoo ta’u, barattoota kuma 1 fi 500 ol keessummeessuu danda’a jedhame.
Sirna eebbichaarratti Preezdaantii bulchiinsa mootummaa naannoo Oromiyaa obbo Shimallis Abdiisaa dabalatee Af-yaa’iin Caffee Oromiyaa aadde Loomii Badhoo fi itti gaafatamaan waajjira paartii badhaadhinaa Oromiyaa Obbo Fiqaaduu Tasammaa argamaniiru.
Obbo Shimallis barattoonni Mana Barumsa Ifa Boruutti barataan akkuma maqaa mana barumsichaa ta’uu akka qaban imaanaa dhaamaniiru.
Qaamolee Manni Barumsa Ifa Boruu Awaash Malkaa yeroo qabameef dursee akka xummuramuuf shoora irraa barbaadamu ba’an galateeffataniiru.
Akka godina addaa naanawaa Finfinneetti manneen Barnootaa Ifa Boruu 3 fi manneen barnootaa proojektii qindaa’aa gumaata Caffee Tumaa 6 Birrii miiliyoona dhibba 1 fi miiliyoona 66’n ijaaramuu Hogganaan Waajjira Barnootaa godina addaa naannawaa Finfinnee obbo Firakiyyaa Kaasaahuun Faanaa Broodkaastiingi Korporeetiif himaniiru.
Iddoosaa Abdiitu gabaase
Fuula Feesbuukii keenyan dabalata odeeffannoo waqtaawaa argachuuf; :-www.fanabc.com
Yuutyuubiihttps://www.youtube.com/c/fanabroadcastingcorporate/
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Yeroo maraa nu waliin waan taataniif isin galateeffanna.