Finfinnee, Hagayya 7, 2013 (FBC)- Magaalootaatti tajaajila wal’ansa cimaa fi balaa tasaa fooyyeessuuf hojjetamaa jiraachuu Ministirri Ministeera Fayyaa Dooktar Liyaa Taaddasaan himaniiru.
Sirna fayyaa gaarii fi dhaqqabiinsa qabu taasisuun du’aatiifi hir’achuu qaama lammiilee hir’isuuf sagantaan foyya’insa wal’ansa cimaafi balaa tasaa magaalootaa milkii qabeessa akka ta’uuf qindoominaan akka hojjetamuuf Dooktar Liyaa Taaddasaa hubachisaniiru.
Qorannoon hojii kan waggaa sagantaa foyya’insa wal’aansa cimaa fi balaa tasaa magaaloota gurguddoo Magaalaa Baahir Daariitti qoratamaa jira.
Saganticharratti Dooktar Liyaa Taaddasaa, tajaajilli wal’ansaa cimaafi balaa tasaa dhaabbilee fayyaan kennamu foyya’aa dhufuu himaniiru.
Haa ta’uu malee, hanqinni ogeeyyii wal’ansa cimaafi balaa tasaan leenji’anii jiraachuun, sirni faayinansii waaraan cimuu dhabuufi qindoominni dhimmamtootaa gadi bu’aa ta’uun sagantichi kana caalaa bu’aa qabeessa akka hin taane taasiseera jedhan.
Muuxannoo magaaloota jalqabaa fudhachuun bara 2014’tti magaaloota biroo 8 keessatti saganticha hojiirra oolchuuf hojjetamaa jiraachuus Dooktar Liyaan himaniiru.
Feesbuukii keenyan dabalata odeeffannoo waqtaawaa argachuuf; :-www.fanabc.com
Yuutyuubhttps://www.youtube.com/c/fanabroadcastingcorporate/
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Yeroo maraa nu waliin waan taataniif isin galateeffanna.