Finfinnee, Eebila 3, 2013 (FBC)- Magaalaa Finfinneetti misoomawwan bu’uuraatin qonnaan bultoota naannawa magaalichaa jiraatan fayyadamoo taasisuuf hojjetamaa jraachuu ibsame.
Itti Aantuun Kantiibaa Magaalaa Finfinnee aadde Adaanach Abeebee Kutaa bulchiinsa Nifaas Silk Laaftootti daandiin Qarsaa Kontomaa-Dheertuu Mojoo kiilo meetira 13 dheeratu ijaarsisuuf dhagaan bu’uuraa ka’aniiru.
Magaalaan Finfinnee guddattus qonnaan bultoota ishee hammattee guddachuu hin dandeenye turte, kanaanis qonnaan bultoonni daangaa magaalichaa jiraatan maqaa misoomaatin qe’ee isaaniirraa buqqaa’aa turan jedhan Aadde Adaanech.
Bulchiinsi magaalaa Finfinnee rakkoo qonnaan bultoota kanneenii furuuf kutaalee magaalaa garagaraa keessatti daandii bulchiinsa magaalaa Finfinneen wal qunnamsiisu kiilo meetira 36 Birrii miiliyoona dhibba 1fi miliyoona 51 caaluun hojjetamaa jiraachuun himameera.
Qonnaan bultootnis kana dura daandii dhabuun oomisha isaanii gabaatti dhiheeffachuuf rakkachaa akka turan dubbachuun daandiin kun ijaaramuun rakkoo isaanii akka furuuf himaniiru.
Rakkoo bishaan dhugaatii fi hospitaalaa qonnaan bultootaa furuuf ni hojjetama jedhan Aadde Adaanech.
Fuula Feesbuukii keenyan dabalata odeeffannoo waqtaawaa argachuuf;
Teelegraama https://t.me/afanoromofana
Yuutyuubii https://www.youtube.com/c/fanabroadcastingcorporate/
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Yeroo maraa nu waliin waan taataniif isin galateeffanna.