Finfinnee, Caamsaa 7, 2015 (FBC) – Bulchiinsi Magaalaa Finfinnee fi Magaalaan Shaggar dhimmoota nageenyaa fi tasgabbiirratti waloon hojjechuuf sanada waliigaltee mallatteessaniiru.
Sirna waliigalticharratti Af Yaa’iin Mana Maree Bulchiinsa magaalaa Finfinnee, Kantibaan Bulchiinsa magaalaa Shaggar Dooktar Tashoomaa Addunyaa, Hoggantuu Biiroo Bulchiinsaf nageenyaa magaalaa Finfinnee Aadde Liidiyaa Girmaa dabalatee hoggantoonni olaanaan bulchiinsa magaaloota lamaanii, Abbootiin Gadaa, Haadholiin Siinqee fi Abbootiin Amantaa argamuu ragaan Biiroo Kominikeeshinii magaalaa Finfinneerraa argame ni mul’isa.
Nageenyaa waaraa Magaaloota lamaanii mirkaneessuuf hojii nageenya qindaa’aa karoora fi waliigalteerratti bu’ureeffame jiraachuun barbaachisaa ta’uu eerameera.
Sochii gochoota seeraa alaa raawwatamu irratti yeroo tarkaanfiin seeraa fudhatamuuf waliigalteen kun murteessaa ta’uu ibsameera.
Ijaarsa seeraa alaa,Daldala seeraa alaa fi yaalii jeequmsa garaagara qolchuuf qindoominni magaaloota lamaanii daraan barbaachisaa ta’uu Kantibaan Bulchiinsa magaalaa Shaggar Dooktar Tashoomaa Addunyaan dubbataniiru.
#Oromiyaa #Ityoophiyaa
Odeeffannoowwan waqtaawaa dabalataa argachuuf;
Teelegraama https://t.me/afanoromofana
Yuutyuubii Afaan Oromo: https://bit.ly/3FjfCXR
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Feesbook:https://www.facebook.com/afaanoromoofana/
Yeroo maraa nu waliin waan taataniif isin galateeffanna.