Finfinnee, Caamsaa 1, 2014 (FBC) – Godina Arsii Lixaa Magaalaa Shaashammanneetti xaa’oo kuntaala 300 irraa kiiloo giraamni 5 hanga 39 hir’ifamuu ibsameera.
Ejansiin babal’ina Waldaalee Hojii Gamtaa Godinichaa man-kuusaa Yuuniyeenii Raayyaa Waakkannaa Shaashamanneerratti sakattoo taasiseen xaa’oo kuntaala 300 irraa kiiloo giraamni 5 hanga 39 hir’ifamuu ibseera.
Itti gaafatamtuun waajjirichaa aadde Mardiyaa Jamaal, Faanaa Broodkaastiing Korporeettitti akka himanitti, sakattoo taasifameen namoonni dhimmichaan walqabate shakkaman 5 to’annaa seeraa jala kan oolan yoo ta’u, tokko miliquun barbaadamaa jiraachuu eeraniiru.
Taateen akkanaa gocha kana dura muul’atee hin beekne ta’uu dubbataniiru.
Getaachaw Mul’ataatu gabaase
Fuula Feesbuukii keenyaan odeeffannoo waqtaawaa dabalataa argachuuf;
Teelegraama https://t.me/afanoromofana
Yuutyuubii Afaan Oromo: https://bit.ly/3FjfCXR
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Yeroo maraa nu waliin waan taataniif isin galateeffanna.