Finfinnee, Bitootessa 19, 2014 (FBC) –Bulchiinsa magaalaa Shaashamanneetti baalli sammuu namaa hadoochuu kiilo giraamni 400 too’atamuu Qajeelchi Poolisii magaalaa Shaashamannee beeksiseera.
Qajeelcha Poolisii magaalichaatti Qindeessaa kutaa sab-qunnamtii Inispeektar Taammiraat Abbabaa FBC’f akka himanitti, baala sammuu namaa hadoochuu kana waliin namoonni lama to’annoo jala ooluun dhimmi isaanii qulqullaa’uutti jira.
Odeeffannoon qajeelcha irraa argame akka mul’isutti, namoonni baalicha mana ofii keessa dhoksan eeruu hawaasaatin sakatta’iinsa taasifameen kan argamedha.
Qajeelchichi rakkoo nageenyaa magaalaatti mudatuu malu furuuf qaamolee nageenyaa hundaa waliin qindoomuun hojjetaa jiraachuu Inispeektar Taammiraat kan himan.
Hawaasni magaalichaas akkuma kana duraa raawwachaa turetti ammallee qaama nageenyaatiif akka tumsu waamichi dhihaatera.
Getaachaw Mul’ataatu gabaase
Ityoophiyaa :- Haa Misoomsinu, Haa Ijaarru, Haa qophoofnu!!!
Fuula Feesbuukii keenyaan odeeffannoo waqtaawaa dabalataa argachuuf;
Teelegraama https://t.me/afanoromofana
Yuutyuubii Afaan Oromo: https://bit.ly/3FjfCXR
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Yeroo maraa nu waliin waan taataniif isin galateeffanna.