Finfinnee, Sadaasa 16, 2014 (FBC)- Magaalaa Jimmaatti meeshaaleen waraanaa fi Birriin sobaa kumni 14 ol to’annaa jala ooluu qajeelchi polisii magaalichaa beeksise.
Daayrektarri qajeelcha poolisii magaalichaa komaandar Fufaa Magarsaa, Faanaa Broodkaasting korporeetitti akka himanitti, nageenya magaalichaa mirkaneessuuf sakkatta’insa tibbana taasifameen, meeshaaleen waraanaa fi Birriin sobaa to’annaa jala ooluusaa himaniiru.
Kanaanis kilaashin 2, shigguxiin 5, rasaasni kilaashii 100 fi rasaasni bireenii 5 qabamuusaanii daayrektarichi himaniiru.
Kana malees, meeshaalee awwaalamuun tajaajilaan ala ta’an to’annaa jala oolaaniiru.
Dabalataanis maallaqni sobaa qarshii kumni 14 fi 200 eeruu hawaasaatiin harkaa fi harkatti qabamuu komaandar Fufaan dubbataniiru.
Shakkamtoonni too’anno jala ooluun qarannoon taasifamaa jiras jedhaniiru.
Hawaasni magaalaa jimmaa nageenyasaa eegsisuu fi qaamoolee nageenyaa cinaa dhaabbachuun sochii taasisaan cimsanii akka itti fufan waamicha dabarsaniiru.
Muktaar Xahaatu gabaase.
Naannoo keessaan eegaa!
Gara adda waraanaatti duulaa!
Raayyaa Ittisa Biyyaa deeggaraa!
Fuula Feesbuukii keenyan dabalata odeeffannoo waqtaawaa argachuuf;
Teelegraama https://t.me/afanoromofana
Yuutyuubii https://www.youtube.com
/c/fanabroadcastingcorporate/
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Yeroo maraa nu waliin waan taataniif isin galateeffanna