Finfinnee, Guraandhala 16, 2016 (FBC)- Bara baajataa kana baatiiwwan ja’an darbanitti manneen kuma 120 ijaaruuf karoorfame keessaa manneen kuma 99 fi 113 misoomsuun akka danda’ame ibsame.
Kantiibaan Bulchiinsa Magaalaa Finfinnee Aadde Adaanech Abeebeen Yaa’ii Mana Maree Bulchiinsa magaalichaa ilaalchisuun gabasaa dhiyeessaniin raawwii misoomaa manneenii ilaalchisuun akka jedhanitti, manneen kuma 99 fi 113 misoomsuun danda’ameera.
Baajata mootummaan manneen kuma 4 fi 200, tola ooltummaan manneen kuma 5 fi 23, abbootii qabeenyaan manneen kuma 10 waliigalaan manneen kuma 19 fi 223 ijaaramuu kaasaniiru.
Kana malees ijaarsa bu’uuraalee misoomaa daandiin, daandiileen Asfaaltii kiiloomeetira 19.17 gaggeessuuf karoorfamee daandii kiiloo meetira 16.39 gaggeeffamuu kaasaniiru.
Riqicha ce’umsaa meetira kuma 2 fi 300 ol ijaaramaa jiraachuu ibsanii balaa tiraafikaa kan hir’isan daandii imaltootaa miilaa fi geejjiba mootara maleeyyiin sadarkaa gaariirraa akka jiru, baranas tajaajilaaf kan ga’u ta’uu kaasaniiru.
Tajaajila geejjibaa Ummataa fooyyessuuf Awutoobisoota haaraa 67 hojiitti galchuu fi Awutoobisoota 944 teeknoolojii dijitaalawaan tumsamuun to’annoo taasisuu fi fooyya’iinsa tajaajilaa taasisuuf hojiilee bal’aan hojjetamuu himaniiru.
#Oromiyaa #Itiyoophiyaa
Odeeffannoowwan waqtaawaa dabalataa argachuuf;
Teelegiraama https://t.me/afanoromofana
Yuutiyuubii Afaan Oromo: https://bit.ly/3FjfCXR
Marsariitii fanabc.com/afaanoromoo
Tiwiitara https://twitter.com/fanatelevision nu duukaa bu’aa
Feesbuukii:https://www.facebook.com/afaanoromoofana/
Yeroo maraa nu waliin waan taataniif isin galateeffanna.