Finfinnee, Fulbaana 20, 2014 (FBC)- Magaalaa Finfinnee kutaawwan magaalaa garaagaraa keessatti Ayyaanni Irreechaa marii paanaalii fi sirnoota garaagaraan kabajamaa jiraachuu ibsameera.
Irreecha Hora Finfinnee Fulbaana 22, 2014 kabajamu karaa nagaa fi haala milkaa’ina qabuun kabajuuf akkasumas keessummoota guutuu Oromiyaarraa dhufaniif simannaa taasisuuf kutaawwan magaalaa magaalichaatti qophii barbaachisaan taasifamaa kan jiru ta’uu ibsameera.
Haaluma kanaan, guyyaa har’a kutaawwan magaalaa Lammii Kuraa, Aqaaqii Qaallittii, Nifaas Silk Laaftoo, Ekkaa fi Gullalleetti haala ho’aa ta’een gaggeeffamaa jira.
Guyyaa kaleessaa kutaawwan bulchiinsa magaalaa Araadaa, Addis Katamaa fi Lidataatti haala ho’aa ta’een kabajamee ooluu ragaan Seekreetariyaat Preesii Magaalichaarraa argame ni muul’isa.
Fuula Feesbuukii keenyan dabalata odeeffannoo waqtaawaa argachuuf; :-www.fanabc.com
Yuutyuubhttps://www.youtube.com/c/fanabroadcastingcorporate/
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Yeroo maraa nu waliin waan taataniif isin galateeffanna.