Finfinnee, Caamsaa 19, 2014 (FBC) – Godina Goojjam Bahaa Magaalaa Dajanitti balaa tiraafikaa dhaqqabeen namoonni 5 lubbuun darbuu Qajeelchi Poolisii Godinichaa beeksise.
Konkolaataan Waaliyaa qaxxaamuraa biyyaa Dabra Taaboor irraa gara Finfinnee imalaa turee, konkolaataa deddeebisaa ummataa gadi aanaa Dajanirraa gara Biichanaatti imalaa tureen walitti bu’uun balaa kana qaqqabsiisuu himameera.
Balaa kanaanis namoonni shan lubbuun isaanii darbeera.
Dabalataanis namoota 11 irraa miidhaan qaamaa cimaa fi salphaan dhaqqabuu qajeelchichi himeera.
Mancaatiin qabeenyaa dhaqqabuu fi ka’umsi balichaas poolisiidhaan qoratamaa jiraachuu ragaan Qajeelcha Poolisii Godinaa Goojjama Bahaarraa argame ni mul’isa.
Fuula Feesbuukii keenyaan dabalataa odeeffannoo waqtaawaa argachuuf;
Teelegraama https://t.me/afanoromofana
Yuutyuubii Afaan Oromo: https://bit.ly/3FjfCXR
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Yeroo maraa nu waliin waan taataniif isin galateeffanna.