Finfinnee, Eebila 30, 2013 (FBC) – Magaalaa Adaamaatti qindoomina qaamolee nageenyaa fi hawaasaatiin meeshaaleen waraanaa seeraan alaa to’atameera.
Boombii 1, kilaashiin 1, shugguxiiwwan 9, M1 hiikame 10, rasaasni kumni 1 fi 300 fi Birriin kumni dhibbi 1 fi 800 t’atameera.
Shakkamtoonni dhimma kanaan tuttuqqii qaban 6 to’annoo jala oolaniiru jedhame.
Itti gaafatamaan Waajjira Bulchiinsaaf Nageenyaa bulchiinsa Magaalaa Adaamaa obbo Makuriyaa Dinquun nageenya magaalichaa eegsisuu yeroo kamuu caalaa hawaasa hirmaachisuun hojjetamaa jiraachuu dubbataniiru.
Rakkoon nageenyaa magaalicha akka hin muudanne hawaasaa fi caasaalee nageenyaa qindeessuun hojjetamaa jiraachuu himuu isaanii ragaan Waajjira Dhimmoota Kominikeeshinii magaalichaarraa argame ni agarsiisa.
Feesbuukii keenyan dabalata odeeffannoo waqtaawaa argachuuf; :-www.fanabc.com
Yuutyuubhttps://www.youtube.com/c/fanabroadcastingcorporate/
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Yeroo maraa nu waliin waan taataniif isin galateeffanna.