Finfinnee, Waxabajjii 13, 2013 (FBC) – Kutaa magaalaa Aqaaqii Qaallittiitti guyyaa filannoo sagantaa Ashaaraa Magariisaa gaggeessuuf qophiin xumurame Waajjirri Eeggumsa Naannoo fi Misooma Magariisaa kutaa magaalichaa beeksiise.
Filannoo gaggeessuu cinaatti Ashaaraa magariisaa ka’uuf qophiin taasiifamuuf itti gaafatamaan Waajjira Eeggumsa Naannoo fi Misooma Magariisaa kutaa magaalichaa obbo Daanyee Hirphoon ibsaniiru.
Iddooleen biqituun itti dhaabbatu 27 qophaa’uu ibsaniiru.
Kutaa magaalichaatti Buufataalee filannoo 178 irratti meeshaaleen filannoo dhiyaachuu ibsameera.
Filattoonni kumni dhibbi 1 fi kumni 63 fi 659 kaardii fudhachuun filannoof qophii ta’uu Qindeessaan Naannoo Filannoo 26 fi 27 obbo Rabbirraa Urgaasaa himaniiru.
Kutaa magaalichaatti paartileen morkattootaa 10 kan waliin dorgoman ta’uu ibsameera.
Kaadhimamtoonni 73 Mana Maree bulchiinsa magaalaaf, 10 Mana Maree Bakka Bu’oota Ummataaf kan dhiyaatan ta’uu eerameera.
Zufaan Kaasahuuntu gabaase.
Feesbuukii Keenyan Dabalata Odeeffannoo Waqtaawaa Argachuuf;
Teelegraama Https://T.Me/Afanoromofana
Yuutyuubiihttps://Www.Youtube.Com/C/Fanabroadcastingcorporate/
Marsariitii Fanabc.Com/Afaanoromoo
Twiitara Https://Twitter.Com/Fanatelevision Nu Duukaa Bu’aa
Yeroo Maraa Nu Waliin Waan Taataniif Isin Galateeffanna.