Finfinnee, Fulbaana 25, 2015 (FBC) – Magaalaa Finfinnee Kutaa magaalaa Qirqoos aanaa 03tti balaa sigiga ijaarsa dallaa daandiin lubbuun namootaa 2 darbuu ibsame.
Balaa sigiga ijaarsa dallaa daandii Kaleessa galgala halkan keessaa naannoo sa’aatii 10:00 naannoo Wangeelaawwiit jedhamee beekamutti mudateen lubbuun namoota 2 darbuufi namoota 2 irratti ammoo miidhaa salphaan ga’uun wal’aansa yaala fayyaa argachaa jiraachuu ibsameera.
Dabalataanis manneen 4 irra miidhaa guddaan qaqqabuu hogganaan waajjira nageenyaa kutaa magaalichaa obbo Taayyee Shifarraawu ibsaniiru.
Ka’umsi balichaa poolisiin qoratamaa jiraachuu ibsuu isaanii ragaan Kominikeeshinii kutaa magaalichaarraa argame ni mul’isa.
Balaan akka kanaa naannawaa lageeniitti mudachuu waan maluuf hawaasni ofeeggannoo akka taasisu dhaamaniiru.
Odeeffannoowwan waqtaawaa dabalataa argachuuf;
Teelegraama https://t.me/afanoromofana
Yuutyuubii Afaan Oromo: https://bit.ly/3FjfCXR
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Feesbook:https://www.facebook.com/afaanoromoofana/
Yeroo maraa nu waliin waan taataniif isin galateeffanna.