Finfinnee, Guraandhala 18, 2016 (FBC) –Magaalaa Bishooftuu Kutaa Magaalaa Duukamitti balaa tiraafikaa mudateen lubbuun namoota 7 darbuu ibsameera.
Namoota 11 irra miidhaa cimaa fi namoota 3 irraa ammoo miidhaa salphaan gahuu himameera.
Har’a Obboroo naannawaa sa’aatii 10:20tti Konkoolaatonni miniibaasii 2, Siinootiraakii 1 fi LaandKiruuzerri 1 walitti bu’uun balaa kana qaqqabsiisuu himameera.
Sababni balaa kanaas qoratamaa jiraachuu ragaan waajjira Kominikeeshinii magaalichaarraa argame ni mul’isa.