Finfinnee, Bitooteessa 7, 2015 (FBC)- Koorporeeshiniin Manneen Federalaa Godina Booranaa fi naannawichatti hawaasa hongeen miidhaaman deebisanii dandamachiisuuf deeggarsa Birrii miiliyoona 10 taasiseera.
Deeggarsichas Hoji Raawwachiisaan Koorporeeshinichaa Obbo Rashaad Kamaal, Hogganaa Buusaa Gonofaa Oromiyaa Obbo Habtaamuu Siisaayitti kennaniiru.
Obbo Rashaad akka jedhanitti, koorporeeshinichi kanaan duras, sababa hongeen kutaalee hawaasaa miidhamanii turaniif deeggarsa taasisuu yaadachiisanii, Booranaa fi naannawichatti kutaalee hawaasaa sababa hongeen miidhamaniif deebisanii dandamachiisuufis deeggarsa Birrii miiliyoona 10 taasisuu ibsaniiru.
Fuuldurattis waamicha biyyaalessaa taasifamuun, deeggarsa taasisuu kan itti fufan ta’uu ibsaniiru.
Obbo Habtaamuu Siisaayi gama isaaniin, deeggarsa koorporeeshinichi taasiseef galateeffatanii, kunis hawaasa hongeen miidhame deebisanii dandamachiisuuf karoora yeroo gabaabaa milkeessuuf kan tumsu ta’uu himuu ragaan koorporeeshinicharraa argame ni mul’isa.
#Oromiyaa #Ityoophiyaa
Odeeffannoowwan waqtaawaa dabalataa argachuuf;
Teelegraama https://t.me/afanoromofana
Yuutyuubii Afaan Oromo: https://bit.ly/3FjfCXR
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Feesbook:https://www.facebook.com/afaanoromoofana/
Yeroo maraa nu waliin waan taataniif isin galateeffanna.