Finfinnee, Eebila 12, 2012 (FBC) – Qajeelchi To’annoo Tiraafikaa Koomiishinii Poolisii Finfinnee weerara vaayrasii koroonaa ittisuuf kallattii kaa’ame raawwachiisaa jiraachuu beeksise.
Bitootessa 28 hanga Eebila 11,2012tti konkolaattonni 195 qajeelfama kaa’amee ol fe’uudhan, konkolaattonni 75 ammoo taarifaa ol kaffalchiisudhaan tarkaanfin irratti fudhatamuu beeksiseera.
Labsii yeroo ariifachiisaa ba’een konkolaattonni dandeettii fe’umsa isaanii %50 hir’isanii tajaajila akka laatan kallattiin kaa’amuun ni yaadatama.
Humnaa ol fe’uun Birrii kuma 5 fi amma eeyyama konkolaachisummaa harkaa fuudhutti nama adabsiisa.
Koomiishinichi labsii ba’e kabajuudhan weerara vaayrasii koroonaa ittisuun barbaachisaa ta’uu ibseera.
Odeeffannoo waqtaawaa argachuuf teelegraama keenya https://t.me/afanoromofana subiskiraayib godhaa.