Finfinnee, Fulbaana 30, 2015(FBC)- Koomishiniin Marii Biyyaalessaa bakka bu’oota ummatootaa Naannolee Afaar, Gaambeellaa fi Beenishaangul Gumuz waliin mari’atan.
Maricharratti, Koomishinarri Koomishinii Marii Biyyaalessaa Piroofeessar Masfiin Ar’ayaa, adeemsa marii biyyaalessaa keessatti sabaa fi sablammoonnii fi naannoleen hunduu akka hirmaataniif hojilee bal’aan gaggeeffamaa jiraachuu ibsaniiru.
Mufannaa fi waldhabdee kamiyyuu furuuf Ityoophiyaan duudhaalee hedduu akka qabdu eeruun, milkaa’ina marii biyyaalessaaf hirmaannaan lammiilee hundaa gahee murteessaa akka qabu dubbataniiru.
Koomishinichi Bakka Bu’oota Naannoolee Afaar, Beenishaangul Gumuzii fi Gaambeellaa waliin waltajji marii galtee yaadaa walitti qabuu guyyoota lamaaf turu Finfinneetti gaggeessaa jira.
Maddi:-TOI
Odeeffannoowwan waqtaawaa dabalataa argachuuf;
Teelegraama https://t.me/afanoromofana
Yuutyuubii Afaan Oromo: https://bit.ly/3FjfCXR
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Feesbook:https://www.facebook.com/afaanoromoofana/
Yeroo maraa nu waliin waan taataniif isin galateeffanna.