Finfinnee, Fulbaana 21, 2017 (FBC)- Komishininiin Marii Biyyaalessaa Naannoo Afaaritti waltajjii marii ajandaa walitti qabuu Magaalaa Samaaraatti eegaleera.
Waltajjicharratti kutaaleen hawaasaa fi qooda fudhattoonni kuma 1fi 500 ol kan hirmaatan ta’uun eerameera.
Waltajjiin ajandaa walitti qabuu naannichatti gaggeeffamu guyyoota 6’f kan turu ta’uun ibsameera.
Waltajjicharratti haasawaa baniinsa kan taasiisan Komishinarri Komishinii Marii Biyyaalessaa Dooktar Ayiirooriit Mahammad, waltajjichaan bakka bu’oonni kutaalee hawaasa kunneen dhimmoota waliigaltee biyyaalessaaf ni fayyada jedhanii yaadan mariin kan itti gabbisaniidha jedhan.
Waltajjicharratti kutaaleen hawaasaa bakka bu’an , Paartilee Siyaasaa, Abbootii Amantaalee, Waldaalee Siviikii fi waldaaleen dhaabbiilee garaagaraa hirmaachaa jiraachuun ibsameera.
Mintasinoot Mulugeetaatu gabaase