Finfinnee, Mudde 29, 2017 (FMC)- Kibba Lixa Chaayinaa Bulchiinsa Tiibeetitti Kirkira lafaa Reektar Iskeelii 7.1 galmeesseen lubbuun namoota 95 yoo darbu, 130 irra ammoo miidhaan qaqqabuun gabaafameera.
Balichi bulchiinsichatti halkan naannawaa sa’aatii 7:00 mudachuu Aljaziiraan gabaaseera.
Naannawaa balichi mudatetti hojjetoonni yeroo balaa kuma 1 fi 500 ol yoo bobbaafaman, hojiin lubbuu baraarsaa gaggeeffamaa jiraachuun ibsameera.
Pireezidaantiin Chaayinaa Shii Jiinpiingi, hojiileen lubbuu baraarsaa bal’inaan akka gaggeeffaman kan ajajan yoo ta’u, balichaan lammiilee buqqa’an buufata yeroo hojiin qubsiisuu hojjetamaa akka jiru himameera.
#Oromia #Ethiopia