Finfinnee, Amajjii 12, 2015 (FBC) – Kabajni Ayyaana Cuuphaa rakoo tokko malee karaa nagaan xumuramuu Tajaajilli Kominikeeshinii Mootummaa beeksiise.
Qaamolee ayyaanichi karaa nagaan kabajamee akka xumuramu qooda qaban hunda galateeffateera.
Ayyaanonni kunneen duudhaa amantaa fi aadaa karaa eegeen, tokkummaa ummataa cimsuu Ityoophiyaanonni iddoo iddootti socho’uun daawwattoota hedduu keessummeessuun milkiin xumuramuu eereera.
Kanaanis Taabotoonni(Saanduqni Kakuu) hedduun gara teessoo isaanitti deebi’uu himeera.
Naannawaan waggoota lamaan darban waraana keessa turanis barana ayyaana Cuuphaa bifa miidhagaa ta’een kabajuu ibseera.
Qaamolee nageenyaa Mootummaa Federaalaa fi naannolee iddoo hundatti tokkummaan qaamolee ergama badii fudhachuun ayyaanicha shororkeessuuf sochii taasiisaa turan ummata waliin qindoomuun fashaleessuu himeera.
Ogeeyyiin miidiyaa fi kominkeeshinii adeemsa ayyaanichaa hordofuun tamsaasuun sirnichi milkiin akka xumuramu ga’ee olaanaa taphachuu ibseera.
Odeeffannoowwan waqtaawaa dabalataa argachuuf;
Teelegraama https://t.me/afanoromofana
Yuutyuubii Afaan Oromo: https://bit.ly/3FjfCXR
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Feesbook:https://www.facebook.com/afaanoromoofana/
Yeroo maraa nu waliin waan taataniif isin galateeffanna.