Finfinnee, Amajjii 5, 2014 (FBC) – Taphni Waancaa Afrikaa 33ffaan Ityoophiyaa fi Kaameeruun gidduutti gaggeeffame olaantummaa Kaameeruuniin xumurameera.
Daawwaa Waxxeesan Ityoophiyaaf daqiiqaa 4ffaarratti goolii tokko galchuus taphattoonni Kaameeruun daqiiqaa 8ffaa, 53ffaa, 54ffaa fi 67ffaarratti waliitti aansuun galchii galchaniin taphichi goolii 4 fi 1n olaantummaa qopheessituu Waancichaa Kaameeruuniin xumurameera.
Tapha baniinsaa Kaameeruunii fi Burkiinaa Faasoo gidduutti taphatameen Goolii lama kan galche Viinsant Abbuubakar har’as garaagarummaa daqiiqaa 1 keessatti goolii lama garee Biyyaalessa Ityoophiyaarratti galchuun tapha Waancaa Afrikaa 33ffaa galchii olaanaan dursaa jira.
Gareen Biyyaalessa Ityoophiyaa tapha jalqabaan Keepvardeen goolii 1 fi 0n injifatamuun kan yaadatamuudha.
Ityoophiyaa :- Misoomsuuf, Ijaaruuf, Yaa qophoofnu!!!
Fuula Feesbuukii keenyan dabalata odeeffannoo waqtaawaa argachuuf;
Teelegraama https://t.me/afanoromofana
Yuutyuubii Afaan Oromo: https://bit.ly/3FjfCXR
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Yeroo maraa nu waliin waan taataniif isin galateeffanna.