Finfinnee, Mudde 4, 2017 (FMC) – Kaabineen Magaalaa Finfinnee Walga’ii Idilee 4ffaa waggaa 4ffaa har’a gaggeesseen ajandaalee misoomaaf faayidaa olaanaa qabanirratti mari’achuun raggaasiseera.
Haaluma kanaan:-
1. Wixinee Dambii faalama Lagaa ittisuu fi misooma qarqara lagaa dhiyaaterratti mari’ateera.
Wixinichi fayyaa jiraattootaa, Qulqullinaa fi midhagina magaalaaf faayidaa olaanaa qabaachuu isaan sagalee guutuun raggaasiseera.
2.Biiroo Misooma Pilaanii magaalaan kan qophaa’aan Qophiin Pilaanii Magaalaa, to’annoo raawwii fi daambii fooyya’e dhiyaate irratti mari’achuun sagalee guutuun raggaasiseera.
3.Yaada ka’umsa Wixinee Qajeelfama bulchiinsa tajaajila Awutoobisii Elektirikaa dhiyaate qorachuun, Mootummaa fi tumsa Dhuunfaan (PPP) akka hoogganamu, akkasumas geejjibni Mootummaa fi dhuunfaa hanga halkan sa’aatii 4:00tti tajaajila geejjibaa akka kennan murteessera.
4. Daandiwwan guguddoo magaalichaa hundatti dhaabbileen Daldalaa fi Tajaajilaa hanga halkan sa’aatii 3:30tti hawaasaaf tajaajila guutuu akka kennan.
5.Dhaabbileen,Gamoowwanii fi Biirooleen mootummaa fi dhuunfaa Daandiwwan guguddoo fi daandiwwan galtuu magaalichaa hundarratti argaman tajaajila ibsaa guutuu akka qabaatan murtoo dabarseera.
#Oromia #Ethiopia