Finfinnee, Sadaasa 9, 2017 (FBC) – Kaabineen magaalaa Finfinnee Walga’ii Idilee 4ffaa waggaa 4ffaa gaggeesseen ajandaalee lamarratti mari’achuun murtoo dabarseera.
Haaluma kanaan qabiyyeewwan dhuunfaa naannawaa misooma Koriidarii dursa misoomsuuf gaaffii jiruuf haala deebiin saffisaa kennamu, Gaaffilee babal’ina iddoo ijaarsa jalqabamee, gaaffilee iddoo ijaarsa dhaabbilee amantaa fi Hoteelota abbaa urjii 5 irratti mari’achuun faayidaa hawaasummaa fi diinagdee isaanii erga qoratee booda eeyyamamuu fi gara misoomaatti akka galan murtee dabarseera.
Akkasumas wixinee labsii iddoolee oolmaa Ispoortii bulchuu fi misoomsuuf bahe irratti mari’achuun, tajaajila hawaasaaf kennu guddisuu haala dandeessisuun qindeessummaa Biiroo Dargaggootaa fi Ispoortiin akka raawwatamu murteessuu ragaan Waajjira Kantibaan Magaalaa Finfinneerraa argame ni mul’isa.
#Oromia #Ethiopia