Finfinnee, Guraandhala 27, 2016 (FBC)- Jilli Ittaanaa Itaamaajoor Shuumii Zaambiyaa Meejer Jeneraal Ji’oofar Chongiin durfamu Koolleejii Loltummaa Raayya Ittisaa biyyaa daawwate.
Daawwannichi walta’iisa gama hundaa ummatoota obbolaa biyyoota lameenii gidduu cimsuuf kan tumsu ta’uu ibsaniiru.
Miseensonni garee jilichaa wayita daawwannichaatti, Itiyoophiyaan fakkeenya bilisummaa ummatoota gurraachaa ta’uu isheen muuxannoo loltummaaf dandeettii faayida qabeessa akka horatan ibsaniiru.
Ijaarsa loltummaa Zaambiyaan gaggeessituuf dandeettii caalu kan horatan ta’uu ibsuun, simannaa Itiyoophiyaan taasifteefiif galateeffataniiru.
Ajajaan Koolleejii Loltummaa Raayyaa Ittisa Biyyaa Birgaader Jeneraal Bultii Taaddasaan gama isaaniin, koolleejichi biyyoonni aftikaa akka mana isaaniitti kan dhufanii itti baratanii fi dandeetti horatan ta’uu dubbatan.
Kooleejichi barnoota loltumaa fi beekumsa caalu argachuu kanneen barbaadan kan simatu ta’uu ibsaniiru.
Adeemsa baruu fi barsiisuurratti Birgaadara Jeneraal Bultiin jila Zaambiyaaf ibsa taasisuu ragaan Raayyaa Ittisa Biyyaarraa argame ni mul’isa.
#Oromia #Ethiopia
Odeeffannoowwan waqtaawaa dabalataa argachuuf;
Teelegiraama https://t.me/afanoromofana
Yuutiyuubii Afaan Oromo: https://bit.ly/3FjfCXR
Marsariitii fanabc.com/afaanoromoo
Tiwiitara https://twitter.com/fanatelevision nu duukaa bu’aa
Feesbuukii:https://www.facebook.com/afaanoromoofana/
Yeroo maraa nu waliin waan taataniif isin galateeffanna.