Jilli Obbo Taaggasaa Caafoon durfamu Preezdaantii Suudaan Kibbaa Saalvaakiir Maayaardaat waliin mari’ate

Finfinnee, Amajjii 24, 2014 (FBC)-  Jilli Afyaa’ii Mana Maree Bakka Bu’oota Uummataa Obbo Taaggasaa Caafoon durfamu Preezdaantii Suudaan Kibbaa Saalvaakiir Maayaardaat waliin mari’ate.

Jilichi preezdaantii naannoo Gambeellaa Umud Ujuluu, Preezdaantii naannoo Beenishaangul Gumuz Ashaadilii Hasan akkasuma Ministeera Dhimma Alaatti Daayrektara Jeneraalaa Dhimma biyyoota IGAD Ambaasaaddar Fisahaa Shaawal fi Sudaan Kibbaatti Ambaasaaddara Ityoophiyaa Nabiil Maahidiiniin kan of keessatti haammate ta’uu ibsameera.

Jilichi dhimmoota nageenyaa daangaa biyyoota lameeniirratti mari’achuu eerameera.

Walitti hidhamiinsa bu’uuraalee misoomaa cimsuun haala daldalli daangaarraa babal’achuu danda’urratti mari’achuus himameera.

Fayyadamummaa waloo biyyoota lameenii haala jabeessuun danda’amurratti mari’achuu obbo Taaggasaan maricha booda ibsa miidiyaaleef laataniin eeraniiru.

Rakkoon yoo mudate fooramii waloo hundeessuun haala furuun danda’amurratti mari’achuus ragaan Ministeera Dhimma Alaarraa argame ni mul’isa.

Ityoophiyaa :- Haa Misoomsinu, Haa Ijaarru, Haa Qophoofnu!!!

Fuula Feesbuukii keenyan dabalata odeeffannoo waqtaawaa argachuuf;

Teelegraama https://t.me/afanoromofana

Yuutyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Yeroo maraa nu waliin waan taataniif isin galateeffanna.