Finfinnee, Eebla 19, 2015 (FBC)– Jilli Ittaanaa Pireezidaantii Paartii Badhaadhinaa Obbo Adam Faaraahin durfamu gara Maqalee galeera.
Jilli kun Pireezidaantii Naannoo Oromiyaa Obbo Shimallis Abdiisaa, Kantibaa Magaalaa Finfinnee Aadde Adaanach Abeebee, Pireezidaantii Naannoo Amaaraa Dooktar Yiliqaal Kaffaalaa fi Pireezidaantoota naannolee biroo kan of keessatti hammate ta’uu DhPI gabaaseera.
Waliigaltee nageenyaa milkeessuu keessatti qaamolee gumaacha olaanaa taasiisaniif sagantaa beekkamtii laachuu qophaa’erratti Muummeen Ministiraa FDRI Abiy Ahimad Pireezidaantoonni naannoolee gara Maqalee imaluun hariiroo akka cimsan hubachiisuun kan yaadatamuudha.
Jilichi wayita Buufata Xiyyaaraa Idil Addunyaa Magaalaa Maqalee Aluulaa Abbaa Naggaa ga’u Pireezidaantii bulchiinsa yeroo naannoo Tigraay Obbo Geetaachoo Raddaa fi hoggantoota biroon simannaan taasiifameefira.
#Oromiyaa #Ityoophiyaa
Odeeffannoowwan waqtaawaa dabalataan argachuuf;
Teelegiraama https://t.me/afanoromofana
Yuutiyuubii Afaan Oromo: https://bit.ly/3FjfCXR
Marsariitii fanabc.com/afaanoromoo
Tiwiitara https://twitter.com/fanatelevision nu duukaa bu’aa
Feesbuukii:https://www.facebook.com/afaanoromoofana/
Yeroo maraa nu waliin waan taataniif isin galateeffanna.