Jilli MM Abiy Ahimadiin durfamu Yaa’ii Waliigaltee Haaraa Faayinaansiirratti hirmaachaa jira

Finfinnee, Waxabajjii 15, 2015 (FBC)-Jilli Muummee Ministiraa FDRI Abiy Ahimadiin durfamu Yaa’ii Waliigaltee Haaraa Faayinaansii Idil Addunyaa Paaris irratti hirmaachaa jira.

Biyyoonni jijiirama qilleensaaf saaxilamoo ta’an rakkoolee isaan mudataa jiruu fi fuulduratti rakkoolee mudachuun danda’u hambisuuf deeggarsa faayinaansii mijeessuun barbaachisaadha yaadni jedhu bal’inaan calaqqisaa jiraachuun eerameera.

Fooyya’iinsa baankilee misoomaa, dhimma liqii, dhiyeessii faayinaansii fi taaksii Idil Addunyaa irratti yaa’ichi ni mari’ata jedhameera.

Biyyoonni weerara vaayirasii koronaa fi waraanaa Raashiyaa-Yuukireeniin rakkoon baajataa fi ramaddii baajataa irratti hanqinni waan mudateef, lammiilee isaaniif tajaajila bu’uuraa qaqqabsiisuuf rakkoon mudachuun ibsameera.

Yaa’ichi waliingahiinsaa tajaajila fayyaa fi hiyyummaa dhabamsiisuu irratti furmaata ni kaa’aan kan eegamu ta’uun ibsameera.

Dureewwan biyyootaa, hoggantoota dhaabbilee idil addunyaa, ogeeyyii damee faayinaansii fi namoonni dhibbaa uumtonni yaa’icharratti hirmaachaa jiraachuun eerameera.

Keessumaa biyyoota dhiibbaa idaa jala jiraniif furmaataa yeroo gabaabaa kennuu, damee dhuunfaa deeggaruu, sirna dhiibbaa jijjiirama qabeenya qilleensaa dandamatu ijaaruu fi biyyoota jijjirama qilleensaaf daran saaxilamoo ta’aniif faayinaansii mijeessuun furmaata yaa’ichaarraa eegamu ta’uun ibsameera.

Alaazaar Taaddalaatu gabaase

#Oromiyaa #Ityoophiyaa

Odeeffannoowwan waqtaawaa dabalataan argachuuf;

Teelegiraama https://t.me/afanoromofana