Finfinnee, Onkololeessa 4, 2014 (FBC) – Jilli Muummee Ministiraa FDRI Abiy Ahimadiin durfamu godina Shawaa Bahaa aanaa Ada’aatti oomisha Avookaadoo daawwateera.
Oomishni Avookaadoo kun gara Awurooppaatti kan ergamu ta’uu ibsameera.
Daawwannaa kanarratti Preezdaantoonni naannolee fi Kaantibaawwan bulchiinsa magaalaa lameenii argamaniiru.
Mootummaan naannoo Oromiyaa inisheetiiviiwwan misooma qonna ammayyaa milkeessuuf hojjetaa jiru keessa tokko oomisha kuduraalee fi muduraalee dabaluun gabaa biyya alaaf dhihessuu ta’uu jila Preezdaantiin Bulchiinsa Mootummaa Naannoo Oromiyaa obbo Shimallis Abdiisaan ibsaniiru.
Akka naannoo Oromiyaatti bara kana Avookaadoo miiliyoona 5 oomishuuf hojjetamaa jiraachuu dubbataniiru.
Yaaddeessaa Geetaachowitu gabaase.
Fuula Feesbuukii keenyan dabalata odeeffannoo waqtaawaa argachuuf;
Teelegraama https://t.me/afanoromofana
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Yeroo maraa nu waliin waan taataniif isin galateeffanna.