Finfinnee, Onkololeessa 28, 2017 (FBC)- Jilli Komishinara Jeneraalaa Poolisii Federaalaa Dammallaash Gabiramikaa’eliin durfamu Hoggantoota Iterpoolii fi dhaabbilee Poolisii biyyoota garaagaraa waliin mari’ateera.
Yaa’ii waliigalaa Iterpool 29ffaa Ingilizitti gaggeeffamaa jirurratti Itiyoophiyaan hirmaachaa jiraachuun ibsameera.
Yaa’ichaan cinaattis Jilli Itiyoophiyaa hoggantoota hojii garaagaraa waliin mari’ateera.
Komishinar Dammallaash Pireezidaantii Iterpool Meejer Jeneraal Ahimad Naasirii fi Barreessaa Yaa’ichaa haaraa filaman Vaaldeezii Urkiiz waliin mari’ataniiru.
Marii isaaniin Itiyoophiyaan kaayyoo dhaabbatichaa galmaan ga’uuf kutannoo qabaachuu ibsan.
Fuuldurattis yaa’ii interpool qopheessuuf Itiyoophiyaan fedhii akka qabduu fi pireezidaantii fi barreessaan yaa’ichaa Itiyoophiyaa akka daawwataan afeeraniiru.
Qondaaltonni lameenis afeerricha simachuun himameera.
Haaluma walfakkaatuun, yakkoota daangaa ce’oorratti Poolisi Federaalaa waliin hojjechaa kan jiru hoggantoota Ejensiin Yakkaa Biyyaalessaa waliinis mari’ataniiru.
Poolisiin Federaalaa eejensichaa waliin hariiroo qabu akkasumaas yakkoota daangaa ce’oo ittisuu fi sodaa yakkaa naannawichaarratti mari’ataniiru.
Fuuldurattis deeggarsa ijaarsa dandeettii taasisuu eegale bal’isuun dameewwan biroon michummaan jiru cimee akka itti fufu sanda waliigaltee waloo qophaa’e baatiiwwan muraasaan dura mallatteessuu ibsameera.
Jilichi hoggantootaa biiroo Chaayinaa, Emereetotaa Araba Gamtoomanii, Naamiibiyaa, Kuwaataar, Afrikaa Bahaa waliinis mari’ateera.
Poolisiin Federaalaas riifoormii hojiirra oolchaa jiru, hariiroo biyyoota miseensaaa interpool waliin qabu cimsee itti fufsiisuu fi yakkoota dangaa ce’oo waloon ittisuuf mariin gamlamee taasifamuun waliigalteerra ga’amuu ragaan Poolisii Federaalaarraa argame ni mul’isa.
#Oromia #Ethiopia