Finfinnee, Gurraandhala 24, 2012 (FBC) – Jilli Ityoophiyaa af yaa’ii Mana Maree Bakka Bu’oota Ummataa FDRI obbo Taaggasaa Caafotiin duurfamu Jibuutii daawwate.
Obbo Taaggasaan mana maree biyyattiitti argamuudhan haasaa taasisaniiru.
Obbo Taaggasaan walga’ii mana marichaa 8ffaarratti argamuudhan haasaa taasisaniin, hariiroon biyyoota lamaanii gama diinagdee, hawaasummaa fi siyaasan cimaa jiraachuu ibsaniiru.
Kun ammoo mootummoonni biyyootii lamaanii kutannoo qabaniin kan utubame ta’uu eeran.
Obbo Taaggasaan hariiroon manneen maree biyyoota lamaanii daran jabaachuu akka qabus kaasaniiru.
Jilichi Jibuutii kan daawwate affeerraa preezdaantii Mana Maree Bakka Bu’oota Jibuutii Alii Hoomadiini.
Buufata Jibuutiitti argamuudhanis hojiilee xaa’oo gara Ityoophiyaatti geejibsiisuuf hojjetamaa jiru daawwataniiru.
Daawwicharratti Jibuutiitti Ambaasaaddarri FDRI Abdulaaziiz Mahaammad argamaniiru.