Finfinnee, Waxabajjii 1, 2013 (FBC)- Jilli sadarkaa itti aanaa Preezdaantiitti qindeessaa Kilaastera misooma baadiyaa Oromiyaa Dooktar Girmaa Amanteen durfamu godina Qellem Wallagaa aanaa Sadii Canqaatti sagantaa Ashaaraa Magariisaa jalqasiiseera.
Jilichaan sadarkaa itti aanaa Preezdaantiitti qindeessaa Kilaastera misooma baadiyaa Oromiyaa Dooktar Girmaa Amantee, hogganaan Biiroo Misooma Qabeenya, Bishaanii fi Inarjii Oromiyaa Dooktar Injinar Habtaamuu Ittafaa dabalatee hoggantoonni naannoo fi godinichaa biroon haammatamaniiru.
Dooktar Girmaan bara kana Godina Qellem Wallaggaa keessatti hojii nageenyaa tasgabbeessuun cinatti hojiin misoomaa fi hojiin qabeenya uumamaa hojjetame fakkeenyummaa olaanaa qaba jedhaniiru.
Jilichi dhaabbii biqiltuu dabalatee Fincaa’aa Lagaa Qexoos daawwachuu ibsameera.
Aanaa Sadii Canqaatti manni barumsa Ifa Boruu sadarkaa 2ffaa baasii Birrii miiliyoona 38ttin ijaarramees eebbisiisaniiru.
Fuula Feesbuukii keenyan dabalata odeeffannoo waqtaawaa argachuuf;
Teelegraama https://t.me/afanoromofana
Yuutyuubiihttps://www.youtube.com/c/fanabroadcastingcorporate/
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Yeroo maraa nu waliin waan taataniif isin galateeffanna.