Finfinnee, Adoolessa 6,2012(FBC)- Ityoophiyaatti namoonni vaayrasiin koroonaa irratti argame 7,766 qaqqabuu Ministeerri Fayyaa FDRI beeksise.
Ministeerichi ibsa gabaasa qorannaa sa’aa 24 kaleessa baasen akka beeksisetti sa’aa 24 darbeen qorannaan laabraatoorii samuudaa namoota 3,922 hojjetameera.
Qorannaa kanaanis namoota 206 irratti vaayrasichi argameera.
Haaluma kanaan namoonni 139 Finfinneerraa, 30 Gaambeellaarraa, 10 Dirree Dawaarraa ta’uudhan lakkoofsa olaanaa galmeessisaniiru.
Gama birootin namoonni 250 vaayrasicharraa dandamataniiru.
Waliigalaan lakkoofsi namoota dandamatanii 4556 qaqqabeera.