Finfinnee, Caamsaa 25, 2012 (FBC) – Ityoophiyaatti guyyoota 15 darbanitti tattamsa’inni vaayrasii koroonaa %310 dabaleera.
Ityoophiyaatti guyyoota 15 darbanitti tattamsa’inni vaayrasii koroonaa %310 dabaluu koren ministiroota weerara COVID-19 ittisuu fi too’atuu beeksise.
Weerara vaayrasii koroonaa too’achuu fi ittisuutti Qindeessituun Sekreetaariyaati Koree Ministiroota fi Ministirri Nageenyaa aadde Mufaariyaat Kaamil marii idilee korichaa ilaalchisuun ibsa laataniiru.
Ibsa isaniin baatii 2 fi guyyaa 4 darbe keessatti namoonni kuma 53 fi 600 qoratamuun namoonni 286 akkasumaas guyyoota 15 dabarsineetti namoonni kuma 55 fi 845 qoratamuun namoota 886 irratti vaayrasiin koroonaa argamuu kaasaniiru.
Guyyoonni eeraman kunneen tattamsa’ina vaayrasichaa %310 guddachuu agarsiisa jedhan.
Hawaasni tattamsa’inni vaayrasichaa yaaddeessa ta’uun hubachuun ofeeggannoo taasisu akka qabu ibsaniiru.
Odeeffannoo waqtaawaa argachuuf Teelegraama keenya https://t.me/afanoromofana subiskiraayib godhaa.